Omnibus Christi fidelibus hoc presens scriptum visuris vel audituris Sarra que fuit uxor Radulphi de Wetherden salutem in Domino Noveritis me remisisse relaxasse et omnino de me et heredibus meis imperpetuum quietum clamasse Willelmo de Wotton heredibus suis et suis assignatis totum ius meum et clameum quod habui vel aliquo modo habere potui in una pecia terre cum pertinentiis iacentis in villa de Mapeltrestede magna inter terram quondam Hugonis de Shormad ex parte una et regiam viam ducentem de domo dicti Hugonis versus pontem de Mapeltrestede predicta ita videlicet quod nec ego predicta Sarra nec heredes mei nec aliquis nomine meo aliquid iuris vel clamei in predicta pecia terre cum pertinentiis de cetero exigere vel vendicare poterimus in futurum Et ego predicta Sarra et heredes mei totam predictam peciam terre cum pertinentiis predicto Willelmo et heredibus suis et suis assignatis contra omnes gentes warantizabimus imperpetuum In cuius rei testimonium huic quiete clamacioni sigillum meum apposui Hiis testibus Ricardo de Othelesho Thoma atte Park Thoma warde Rogero Boket Iohanne Louekyn et aliis Datum apud Mapeltrestede predictam die veneris proxima post festum annunciacionis beate Marie anno regni regis Edwardi tercii a conquestu quarto decimo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.