Universis ad quos presens scriptum pervenerit Hugo Goldston[] rector ecclesie de Gestingthorpe salutem in Domino Noverit universitas vestra me dedisse concessisse et hoc presenti scripto meo confirmasse fratri Willelmo de Hanleye priori hospitalis sancti Iohannis Ierusalem in Anglia et omnibus successoribus suis tres acras terre in escambium quarum due acre et una roda iacent in magno campo ante portam manerii sui de Oddewelle et tres rode in Treuton[] parva inter terram dicti rectoris et terram quondam Huberti Hawenild[] tenendum et habendum totum dictum tenementum cum omnibus pertinentiis suis dicto fratri Willelmo et omnibus successoribus suis in puram et perpetuam elemosinam libere quiete bene et in pace et imperpetuum adeo pure et perpetue sicut aliqua elemosina purius et liberius teneri et haberi poterit Et ego dictus Hugo et omnes successores mei dictum tenementum cum omnibus pertinentiis suis dicto fratri Willelmo et omnibus successoribus suis warantizabimus et ab omnibus secularibus serviciis acquietabimus et defendemus imperpetuum Pro hac autem donacione concessione et huius scripti confirmacione dedit michi dictus frater Willelmus tres acras terre in excambium prout continetur in scripto inter nos confecto et cirographato In cuius rei testimonium presenti scripto ad modum cirographi confecto sigillum meum apposui Hiis testibus Radulpho filio Willelmi domino de Pebbenas Fulcone de Vallibus Iohanne de Lystune militibus Iohanne de Wastoill[] Iohanne de Ry Reginaldo de Selverleye Nicholao clerico de Gestingthorpe Willelmo de Leffeldewelle Galfrido filio Hugonis et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.