Omnibus etc Petrus filius Petri de Thaleworth[] salutem in Domino Noverit etc me pro me et heredibus meis concessisse confirmasse remisisse et omnino imperpetuum quietum clamasse Deo et beate Marie priori et fratribus sancti domus hospitalis sancti Iohannis Ierusalem in Anglia et eorum successoribus totum ius et clameum quod habui unquam vel quocumque modo habere potui in tribus ferlingatis terre cum pertinentiis in nova Samford[] cum octo solidis annui redditus de eadem terra exeuntibus quam quidem terram et quem redditum iidem prior et fratres habent de dono et concessione predicti Petri patris mei in liberam puram et perpetuam elemosinam habenda et tenenda eisdem priori et fratribus et eorum successoribus de me et heredibus meis in liberam puram et perpetuam elemosinam adeo libere pure et quiete habeant et teneant in perpetuum sicut aliqua elemosina alicui domui religionis liberius purius et quiecius possit in alimoniam dari Et ego predictus Petrus filius Petri de Thaleworth[] heredes et assignati mei totam predictam terram et totum predictum redditum cum omnibus pertinentiis suis predictis fratribus et eorum successoribus de omnibus que de dictis terris et redditibus a quocumque mortali quacumque de causa fuerint poterint exigi vel extorqueri sicut puram et perpetuam elemosinam nostram contra omnes gentes Christianos et Iudeos warantizabimus acquietabimus et defendemus inperpetuum Et ut hec mea concessio confirmacio remissio et quieta clamacio warantizacio et acquietancia et defensio robur optineant perpetuitatis huic scripto sigillum meum apposui Hiis testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.