Sciant presentes etc quod ego Alina filia Galfridi filii Baldewini que fui uxor Reinfridi filii Rogeri et Ricardi de Clare dedi et concessi et hac presenti etc in libera potestate mea et in viduitate mea Iohanni filio Petri servienti meo pro servicio suo totum boscum meum in Tyndun[] quod est in manerio meo de Samford pro una virgata terre preter dimidiam virgatam Willelmi filii Reginaldi essartatam de eodem bosco dedi [etiam] et concessi eidem Iohanni 40 acras de bosco meo de Westwode que se extendunt in longitudine a bosco Henrici de Kemesek[] usque ad latum cheminum et in latitudine a bosco comitis usque ad terram Roberti de Lyndsey et 3 rodas prati que iacent in prato de Silkeneye inter pratum Willelmi sweyn et pratum Saffari quas Walterus Brand quandoque tenuit in feodo et hereditate sibi et heredibus suis ad tenendum de me et heredibus meis Hanc autem terram sive sit essartata sive non debeo ego et heredes mei warantizare illi et heredibus suis contra omnes homines et feminas Et inde devenit homo meus et dedit michi 25 marcas et unum palefridum [de] 40 s[] in gersumam quare volo et firmiter precipio quod ipse Iohannes et heredes sui postmodum terram predictam habeant et teneant de me et de heredibus meis bene et in pace libere et quiete honorifice et integre in bosco et plano in pratis et pasturis in viis et in semitis in aquis et molendinis et omnibus locis et rebus et omnibus libertatibus et liberis communionibus ad predictum manerium meum pertinentibus etc Hiis testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.