Sciant tam futuri quam presentes quod ego Robertus filius Iunguini dedi et concessi Waleranno de Crikelade pro seruitio suo et pro pecunia sua scilicet xviii marc[is] argenti totam terram meam in Oxenefordia que est inter domum predicti Waleranni et domum Edwini de Oxeneforde in foro tenend de me et heredibus meis illi et heredibus suis libere et quiete et integre et h[ered]itabiliter sicut unquam antecessores mei melius et liberius tenuerunt pro x solidis annuatim reddendis pro omni seruitio De hac predicta pecunia dedit michi prenominatus Waleranus x marcas argenti et octo marcas dabit uel heredes sui michi uel heredibus meis quando seisionem suam de predicta terra in foro Oxeneforde recipiet de me uel de heredibus meis Et ego Robertus pro posse meo simul cum consilio Waleranni prenominati predictam terram deliberabo Waleranno uel heredibus suis ego uel heredes mei ad festum sancti Iohannis in media estate anno xxviii coronationis regis H secundi et si ego forte uel heredes mei ad terminum illum deliberare non poterimus deliberabimus illi uel heredibus suis ad terminum quem ab illo uel heredibus suis deprecare poterimus Preterea sciant omnes quod ego Robertus inuadiaui terram meam super pontem de Sut et molendinum quod teneo de sancta Frideswida et partem meam de molendino de Langeford predicto Waleranno pro ix marcis argenti et ipse tenebit omnia ista in uadio donec predictus Robertus uel heredes sui seisiant prenominatum Waleranum uel heredes suos de predicta terra que est in foro de Oxeneforde saluo iure domini et post seisionem factam illi uel heredibus suis de me uel de heredibus meis ipse tenebit uel heredes sui terram illam super pontem de Sut et molendina mea in manu sua donec ipsa uadia sese acquietauerint uersus prenominatum Walerannum uel heredes suos de ix marcis enprentatis super terram et super molendina saluo iure dominorum Et si aliquid super terram meam uel molendina mea interim expendiderit reddam ei uel heredibus suis omnino expensam suam Hec affidaui et sacramento confirmaui tenend illi uel heredibus suis ego et Matillidis uxor mea et heredes mei sine malo ingenio Testibus Lamberto filio Toui Iohanne Kepeharm Hugone Kepeharm Thoma filio Eilrici Amfrido filio Ricardi Willelmo Pretore Henrico Pretore Nigello clerico et Iohanne fratre suo Waltero filio Uitelli Radulfo Padi Edwino socio Wiardi Andrea filio Wlwini Henrico filio Segrim qui similiter affidauit quod pro posse suo sine pecunia ponenda faciet Robertum predictum tenere predictam conuentionem si retrahere uellet a conuentione

Source Fulltext: Cartulary of Oseney Abbey. H. E. Salter. Oxford Historical Society, V.90. Oxford Historical Society. Clarendon Press. Oxford. 1929.