Omnibus [...] Adam filius Laurentii Bernard salutem in domino Nouerit uniuersitas uestra quod cum inter Laurentium Bernard patrem meum ex parte una et Nicholaum de Ouertone de Oxonia et Agatham uxorem eius ex altera nuper conuenisset in hunc modum uidelicet quod predictus Laurentius dimisit concessit et ad firmam tradidit predictis N et A et eorum heredibus et assignatis quoddam mesuagium in bocheria Oxonie quod situm est in parochia sancti Martini inter tenementum Abbatis de Oseneye ex parte una et tenementum Henrici Oweyn ex altera habend et tenend predictis N et A et eorum heredibus et assignatis a festo sancti Michelis anno regni regis Edwardi filii regis Henrici septimo usque ad finem viginti annorum proximo sequentium plene completorum prout in quodam scripto inter predictas partes inde confecto et ad modum cyrographi dentato plenius continetur ego predictus Adam dimissionem [...] supradictam ratam et gratam habeo et tenore presentium ratifico Et preterea ego predictus Adam concessi dimisi et ad firmam tradidi predictis N et A totum mesuagium predictum cum pertinentiis habend et tenend eisdem N et A et eorum heredibus et assignatis a fine predictorum xx annorum usque ad terminum unius anni proximo postea sequentis et plenarie completi libere quiete bene et in pace iuxta formam conuentionis in scripto supradicto contentam que talis est uidelicet reddendo inde annuatim Priori sancte Frideswide Oxonie xxiiii solidos ad quatuor terminos et michi et heredibus meis et assignatis xxxvi s ad eosdem terminos per equales portiones Et si [...] et ut [...] hiis testibus Henrico Oweyn tunc maiore Oxon Thoma de Sowy et Iohanne Wyth tunc balliuis eiusdem Philippo de Ow Iohanne de Ow Willelmo de Hedindone Waltero de Wytteneye et aliis Datum apud Oxoniam die Mercurii in festo Annuntiationis beate Marie anno regni regis Edwardi vicesimo primo

Source Fulltext: Cartulary of Oseney Abbey. H. E. Salter. Oxford Historical Society, V.90. Oxford Historical Society. Clarendon Press. Oxford. 1929.