Anno regni regis Henrici filii regis Iohannis vicesimo octauo ad festum beati Iohannis Baptiste facta est hec conuentio inter Willelmum de la Barre ex una parte et Arthurum mazecri ex altera uidelicet quod predictus Willelmus concessit et tradidit ad firmam predicto Arthuro et heredibus suis uel suis assignatis unum seruarium quod est infra curiam suam in parochia sancti Bodoci et quod iacet inter terram persone sancti Bodoci et terram Radulfi Frere usque ad terminum duodecim annorum sequentium Concessit etiam predictus Willelmus predicto Arthuro et heredibus suis uel suis assignatis liberum introitum et liberum exitum per mediam curiam suam ad predictum seruarium quandocunque uoluerit et unam sepem uel pallatium circa seruarium et omnia asiamenta que potest habere circa seruarium Et si ita contingat quod predictus Willelmus ante predictum terminum moriatur Auitia uxor predicti Willelmi et heredes sui uidelicet Rogerus filius Willelmi de la Barre et Eadmundus filius eiusdem predictam conuentionem predicto Arthuro et heredibus suis uel suis assignatis obseruabunt et uarantizabunt contra omnes homines mares et feminas Pro hac igitur traditione dimissione uarantizatione dedit predictus Arthurus predicto Willelmo triginta solidos esterlingorum in gersuma pre manibus Ut igitur hec conuentio stabilis sine dolo permaneat utraque pars affidauit et sigillum suum alternatim huic scripto apposuit hiis testibus Petro filio Thoraldi tunc maiore Oxon Hugone Faue Ada Cruste tunc prepositis Hugone Arding Iohanne de Wollop Waltero Palmere Willelmo de Wendleswik Ada Norais Roberto clerico et multis aliis

Source Fulltext: Cartulary of Oseney Abbey. H. E. Salter. Oxford Historical Society, V.90. Oxford Historical Society. Clarendon Press. Oxford. 1929.