Sciant presentes et futuri quod ego Celena que fui uxor Ade Ruffi concessi dimisi et liberaui Willelmo Burgeis solarium et celarium quod teneo de Martino pistore in parochia sancte Abbe in Oxonia pro duodecim denariis per annum habend et tenend predicto Willelmo et heredibus eius de me et heredibus meis in feodo et hereditate reddendo inde annuatim michi Celene et heredibus meis dimidiam marcam argenti ad quatuor terminos anni pro omni seruitio scilicet ita [...] scilicet quod si redditus illius tenementi aliquando fuerit retro licet michi Celene et heredibus meis namiare pro redditu illo in tenemento quod dictus Willelmus Burgeis de me tenet in parochia Omnium Sanctorum in Oxonia Et dictus Willelmus sustentabit et warantizabit illud tenementum in parrochia sancte Abbe ut in perpetuum ualeat michi et heredibus meis quinque solidos et octo denarios per annum et duodecim denarios ad soluendum Martino pistori pro predicto tenemento Et ut hec predicta rata et inconcussa permaneant hoc scriptum in duas partes cyrographatum ego Celena predicta unam partem et Willelmus predictus aliam partem alternatim sigillis nostris confirmauimus hiis testibus Petro filio Tur[oldi] tunc maiore Waltero Aurifabro et Simone filio Benedicti tunc prepositis Philippo Molendinario Roberto Oeyn Henrico filio Henrici Laurentio Rufo Ricardo Aurifabro Willelmo clerico

Source Fulltext: Cartulary of Oseney Abbey. H. E. Salter. Oxford Historical Society, V.90. Oxford Historical Society. Clarendon Press. Oxford. 1929.