Gilebertus dei gracia Lundoniensis et Rogerus eadem gracia Wigorniensis episcopi omnibus fidelibus et sancte matris ecclesie filiis salutem quam promisit deus diligentibus se Cognoscat pro ueritate religionis uestre discretio ad quos pagina presens peruenerit nos accepisse mandatum domini pape Alexandri tercii de causa que uertebatur inter canonicos Oseneye et canonicos sancte Frideswide super ecclesia sancte Marie Magdalene in hunc tenorem [...] Prefixa quidem partibus die et illis in mea Londoniensi presentia constitutis cum dilectus frater noster Wigorniensis absentiam suam necessariam excusaret et nobis litteras suas ratihabitionis destinaret post multa causarum merita hinc inde allegata uisum fuit michi et de consilio prudentum tum pro qualitate facti tum ex consentanea canonum apostolicique mandati uoluntate testes super uiolentia facta canonicis de Oseneia esse admittendos Quibus igitur admissis et iuratis deinde diligenter examinatis motus exe[que] assertione concordi et fama sue opinioni consentanea predictis canonicis de Oseneia possessionem commemorate ecclesie adiudicaui de qua iam constabat probatorum uirorum attestacione illos fuisse uiolenter eiectos a canonicis sancte Frideswide Cumque de proprietate procedere uellem et de aliis articulis cause prorogatum est negocium fere per annum et demum utraque pars ad audientiam apostolicam appelauit et post multa temporum interualla canonici Oseneie litteras predicti pape secundo tulerunt nobis in huiusmodi formam [...] Conuocatis ergo partibus et illis in mea iterum Lundoniensi presentia ad diem constitutis apud London prior sancte Frideswide litteras bone memorie R dei gracia quondam Herefordensis episcopi ad dominum papam Eugenium super diffinitione huius cause olim destinatas quarum infra in litteris predicti pape fit mentio falsas dixit et illas exhiberi postulans appellauit Postea uero ut alius dies eis prefigeretur appellacioni facte ipse et canonici sui renunciauerunt prefixusque est eis dies peremptorius apud Oxenefordiam Carta autem felicis memorie pape Eugenii talis est [...] [cum nos ergo] die prefixo de causa cognituri partibus ambo presentibus [in iudicio] sederemus assidentibus nobis abbate Gloecestrie et abbate de Egenesham aliisque uiris discretis prior sancte Frideswide et canonici sui iterum postulauerunt litteras commemoratas exhiberi asserentes quod exhibitas falsas accusarent Sed [cum hoc Prior] prefate ecclesie sibi fieri postulauit contra hec canonici Oseneie allegabant litteras illas ad papam Eugenium olim destinatas [esse et ad ex]hibitionem se non teneri nec opus [esse quod exhiber]entur cum contra eas olim questione fab[ricata in] presentia predicti pape uere sunt probate [sicut predic]te littere eiusdem pape manifeste testabantur Restitutionem fieri negabant quoniam ipsi iuste et iudicio sedis apostolice possidebant [...] mandatum domini pape ad nos [...] allegata sibi et rursum in iudicium uocari Nos igitur his et aliis cause meritis quampluribus ex utraque parte litigantium auditis et appensis possessionis restitutionem priori et canonicis suis negantes quam iudicio amiserant et questionem falsi semel et precipue per summum pontificem sopitam decernentes non admitti iuxta formam nobis prescriptam et secundum tenorem litterarum pape Eugenii prenominato priori et canonicis sancte Frideswide tam de proprietate quam de possessione sepedicte ecclesie scilicet sancte Marie Magdalene perpetuum silentium auctoritate apostolica qua fungebamur imposuimus et illos nomine fructuum a tempore uiolentie perceptorum in quatuor marcas habita taxacione moderata predictis Canonicis Oseneye condempnauimus Restitutioni autem facte prefatis canonicis interfuerunt uiri magne auctoritatis et opinione preclari uidelicet Hugo de Marinis decanus ecclesie beati Pauli Henricus thesaurarius eiusdem ecclesie Radulfus de Disci Robertus Banest[] Ricardus Foliot archidiaconi magister Hugo magister Ricardus magister Radulfus magister Dauid magister Henricus Ricardus Belmeis Willelmus de Storteford magister Radulfus de Alta Ripa magister Rogerus Ricardus de Saleberi et quamplures alii Sententie uero diffinitiue tam de proprietate quam de possessione apud Oxenefordiam late affuerunt uiri auctoritate graues abbas uidelicet Gloecestrie et abbas de Hegenesham magister Ricardus de Storteforde Ricardus de Salesberi Radulfus de Alta Ripa magister Siluester magister Sanson et alii quamplures

Source Fulltext: Cartulary of Oseney Abbey. H. E. Salter. Oxford Historical Society, V.90. Oxford Historical Society. Clarendon Press. Oxford. 1929.