Henricus dei gracia Wintoniensis episcopus et apostolice sedis legatus episcopis abbatibus comitibus et omnibus sancte dei ecclesie filiis per Angliam constitutis salutem Propositi nostri nos sollicitudo ueementer astringit ut ita rerum ecclesiasticarum deo auxiliante debeamus prouidere cautelam quatinus nulla in eis possit euenire de neglectu iactura Hoc nimirum intuitu ne ecclesia beate Frideswidis de Oxenefordia futuris temporibus rerum suarum detrimentum paciatur quicquid ei a uenerabili fratre nostro Rogero Saresberiensi episcopo tam in ecclesiis quam in aliis possessionibus donatum siue redditum est sibi et Canonicis ibidem deo militantibus auctoritate apostolica inperpetuum confirmamus Si quis uero ausu temerario donationem predicti fratris nostri Saresberiensis episcopi perturbare et huic nostre confirmationi contraire presumpserit ultioni districte in futuro examine subiaceat nisi resipuerit et errata condigna satisfactione correxerit Ualete

Source Fulltext: Cartulary of Oseney Abbey. H. E. Salter. Oxford Historical Society, V.90. Oxford Historical Society. Clarendon Press. Oxford. 1929.