Omnibus Cristi fidelibus ad quos presentes litere peruenerint frater r[icardus] miseratione diuina Abbas Oseneye et eiusdem loci conuentus salutem in domino Nouerit uniuersitas uestra quod cum mota est contentio inter magistrum Thomam de Stanforde perpetuum uicarium ecclesie sancti Egidii et W uicarium ecclesie beate Marie Magdalene extra portam borealem Oxonie super iure parochiali cuiusdam fundi scilicet utrum ecclesie beate Marie supradicte an etiam ecclesie sancti Egidii supradicte debeat assignari qui fundus apellatur terra domine Custantie et iacet inter terram quam Galfridus de Cherlintone tenuit ex parte una et terram Henrici Puncharde ex altera et dicti uicarii in arbitros compromisissent uidelicet magistrum Henricum de Staunton iuris canonici professorem Ricardum de Staunforde rectorem ecclesie Omnium Sanctorum Oxonie Walterum de Bylendone Robertum Maynarde sub pena decem librarum ita quod si inter dictos arbitros oriatur dissensio uenerabilis uir dominus archidiaconus Oxonie tanquam quintus arbiter eisdem adiungatur nos dictum compromissum tenore presentium ratificamur Datum Oseneye die sancte Fidis uirginis anno domini mcclx quinto

Source Fulltext: Cartulary of Oseney Abbey. H. E. Salter. Oxford Historical Society, V.90. Oxford Historical Society. Clarendon Press. Oxford. 1929.