Uniuersis [...] frater Rogerus permissione diuina abbas Osen et eiusdem loci conuentus eternam in domino salutem Noueritis nos unanimi uoluntate et assensu concessisse Auitie filie Roberti le Forn quod libere et quiete quamdiu uixerit possit inhabitare illam domunculam sclattatam que immediate contiguatur principali domui quam Robertus le Forn pater suus aliquando tenuit de nobis in parochia sancti [thome] Oxon cum curtillagio adiacente quod se extendit ad longitudinem eiusdem domuncule uersus orientem et in latitudine uersus austrum usque ad curtillagium quod Ricardus Her aliquando de nobis tenuit sicut nunc muro clauditur ita quod nobis nichil inde reddat nec liceat ei de lignis uel lapidibus ipsius quicquam amouere et ipsam domunculam propriis sumptibus sustentabit Post mortem uero eiusdam Auitie dicta domuncula cum curtillagio ad nos et successores nostros sine calumpnia uel contradictione cuiuslibet integraliter et libere reuertatur Insuper concessimus eidem quod percipiat quoad uixerit singulis septimanis unam portionem panis [et ceruisi]e ad sustentationem suam uidelicet iiii [paruas] michas conuentuales et iii grossos panes et iiii galones ceruisse In cuius [...]

Source Fulltext: Cartulary of Oseney Abbey. H. E. Salter. Oxford Historical Society, V.90. Oxford Historical Society. Clarendon Press. Oxford. 1929.