Omnibus Cristi fidelibus presens scriptum uisuris uel audituris Ricardus abbas de Osen salutem in domino sempiternam Nouerit uniuersitas uestra nos una cum consensu et assensu totius nostri conuentus diuine pietatis intuitu et uenerande domine Ele comitisse de Warwik precum interuentu concessisse quietum clamasse et presenti carta confirmasse pro nobis et successoribus nostris fratribus de penitentia Ihesu Cristi et eorum successoribus totum ius nostrum et clamium quod habuimus uel habere poterimus in illa area que dictis fratribus collata est in parochia ecclesie nostre sancti Georgii de Castello Oxonita scilicet quod dicti fratres in dicta area possint cohabitare et ad diuina celebranda capellam construere ac omnia alia ad ordinis eorum promotionem spectantia sine aliquo nostrum impedimento et successorum nostrorum uel alicuius ex parte nostra perficere sciendum tamen quod dictis fratribus non licebit aliquem parochianorum ipsius ecclesie parochialis sancti Georgii ad sacramenta ecclesiastica admittere nec mulierem ad purificationem faciendam nec aliquid aliud de iure spectans ad dictam ecclesiam parochialem sed secularibus sibi famulantibus et secum commorantibus propter infirmitatis necessitatem sacramenta ecclesiastica possint impendere Quod uero si fratres predicti contra omnia uel singula premissorum sine licentia nostra quod absit uenire presumpserint per episcopum siue archidiaconum cum ab eis requisitum fuerit teneantur emendare salua ordinis sui disciplina In cuius rei testimonium presenti scripto sigillorum nostrorum impressionem apposuimus scilicet anno gratie mcclx ii hiis testibus magistro Thoma de Cantilupo tunc cancellario Oxon Andrea constabulario Castelli Oxonie tunc temporis Nicholao de Kingestone tunc maiore [ada] Feteplace Iohanne Pady Oxon et multis aliis

Source Fulltext: Cartulary of Oseney Abbey. H. E. Salter. Oxford Historical Society, V.90. Oxford Historical Society. Clarendon Press. Oxford. 1929.