Omnibus Cristi fidelibus ad quos presens scriptum peruenerit [...] Cancellarius et [...] Cantor Sar[] et [...] Prior de Alnbrebr salutem in domino Nouerit uniuersitas uestra nos litteras domini pape Honorii iii in hec uerba suscepisse [...] Cum igitur auctoritate istarum litterarum inter abbatem et conuentum de Oseneya ex una parte et A archidiaconum Oxonie ex altera coram nobis lis moueretur super subiectione et subiectionis possessione capelle beati Thome de Oseneya et super archidiaconali iurisdictione et iurisdictionis possessione parrochianorum eiusdem capelle et super quoddam annuo redditu qui dicitur Letare Ierusalem [tandem] lis inter eos mota coram nobis amicabiliter in hunc modum conquieuit uidelicet quod capellanus qui in eadem capella deseruiet per dominum abbatem Oseneye ibidem constituetur Qui quidem capellanus nec presentabitur archidiacono Oxonie nec obedientiam ei prestabit nec capitula eius sequetur Ueniet tamen bis in anno ad sinodum ipsius archidiaconi Qui uero capellanus si deliquerit uel insufficiens fuerit per ipsum abbatem emendabitur et si forte super incontinentia uel aliquo crimine sit diffamatus fiet trina admonitio per interualla eidem abbati ex parte eiusdem archidiaconi quod excessum illum corrigat quem si forte corrigere non curauerit idem archidiaconus corriget Preterea idem archidiaconus non exiget procurationem ratione uisitationis nec uisitationem uel sinodalia de predicta capella sed quantum in se est ea remisit Archidiaconus uero predictus habebit plenam iurisdictionem archidiaconalem in omnes parrochianos eiusdem capelle [et si forte in aliquem parrochianorum sententiam suspensionis uel excommunicationis uel aliquam aliam tulerit capellanus eiusdem capelle] sine difficultate eam exequetur Post decessum uero eiusdem archidiaconi saluum erit ius abbatis et [conuent]us Oseneye in predictis rebus et archid[iaconi] Oxonie similiter [ita quod omnia] sint in eodem statu quo fuerunt ante dictam [litem motam] quoad possessionem et proprietatem et quod nullum [preiudicium alterutri parti per istam com]positionem generetur [promiserunt etiam dicti abbas et conuentus Oseneye] bona fide [quod non impedient quantum in ipsis est nec procurabunt] quominus redditus qui dicitur Letare Ierusalem soluatur eidem archidiacono de ecclesiis eorum in archidiaconatu Oxonie sicut ante litere metam solui consueuit Hanc ita formam pacis firmiter et fideliter obseruandam partes prenominate hinc inde bona fide promiserunt super predictis impetratis quo ad uitam dicti A archidiaconi penitus renuntiantes In huius rei robore testimonium de consensu partium ad eorum instanciam presentibus litteris sigilla nostra apposuimus Valete

Source Fulltext: Cartulary of Oseney Abbey. H. E. Salter. Oxford Historical Society, V.90. Oxford Historical Society. Clarendon Press. Oxford. 1929.