Anno ab incarnatione Domini mcxix regnante potentissimo rege Henrico ego comes Ricardus meique homines communi consilio confirmauimus sigillo meo omnes donationes que date sunt a me uel a meis in meo tempore ecclesie sancte Werburge Cestrie ego itaque comes Ricardus post obitum patris mei dedi pro salute anime sue et mee terram Wlfrici prepositi foris portam de North prius per unam spicam frumenti deinde per unum cultellum super altare sancte Werburge et molendinum de Bache et tres mansuras quietas et ab omni re liberas duas in ciuitate et unam extra portam de North Teste Willelmo constabulario Waltero de Vernon Radulfo dapifero et aliis multis Willelmus constabularius dedit Neutonam simul cum seruicio Hugonis filii Udardi de quatuor bouatis et cum seruicio Wiceberni de duabus bouatis Hugo filius Normanni dedit Gosetre et Lautonam Teste Hugone de Lasci et Radulfo et Rogero filiis Normanni multisque aliis Ricardus de Praers dedit Cnoctirum Teste Willelmo et Adam filiis suis Corbinus dedit unam carucam terre in Werewelle Hamundus de Masci concessu heredum suorum et Roes uxor Pigoti concessu Rogeri fratris sui dederunt Norwrdinam et ecclesiam cum omnibus que ei pertinent concedentibus et testibus filiis eorum Rogerus de Melinguarin dedit Plumleiam cum Widone filio suo quando factus est monachus Teste Willelmo et Rannulfo filiis [suis] Rannulfus venator dedit Bradeford et unam salinam in Northwich concessu Ricardi comitis et Hugonis de Vernon domini sui Item Ricardus comes dedit decimum salmonem de ponte et locum unius molendini citra pontem et decimam illius molendini ultra pontem Burel dedit ecclesiam de Haliwella et decimam de molendino suo et de omnibus rebus suis Herebertus Weambasarius dedit terram quatuor boum in Hole Ricardus pincerna dedit ecclesiam sancti Olaui et terram iuxta ecclesiam et duas mansuras in foro Rogerus de Sancto Martino dedit terram duorum boum in Bebintona Willelmus de Punterleya dedit Butauari cum omnibus appendiciis suis id est ecclesiam et totum manerium solutum et quietum et siluam Lectone ad rogum faciendum et ad communem usum domestici operis concessu et testimonio Hereberti filii sui et Aluredi domini sui et Ricardi comitis Hugo de Vernon concessu Ricardi comitis dedit unam mansuram in ciuitate solutam et quietam ab omni re et consuetudine Hiis ita descriptis ego comes Ricardus meique barones et mei homines confirmauimus non solum ista set et illa omnia que comes Hugo pater meus et barones sui confirmauerunt constituentes sicut illi constituerunt ut hec omnia sint stabilia soluta et quieta et ab omni re ita libera ut nichil libertatis possit eis addi ulterius nichil enim retinemus preter orationem in rebus sancte Werburge virginis Concedimus etiam ut beata virgo Werburga habeat suam curiam de cunctis placitis et forisfactis sicut comes habet suam ita uero quod abbas illius loci non exeat neque placitet contra aliquem de aliquo placito uel de aliqua re extra curiam suam Test Rannulfo Meschin et Willelmo fratre suo Willelmo constabulario et Ricardo fratre suo Hugone Malbanc Osberno Meschin Hugone filio Osberni et Willelmo fratre eius multisque aliis apud Graham

Source Fulltext: The Chartulary or Register of the Abbey of St. Werburgh, Chester. J. Tait. Remains, Historical and Literary, Connected with the Palatine Counties of Lancaster and Chester, New Series V.79. Chetham Society. Manchester. 1920.