Uniuersis sancte matris ecclesie filiis ad quos presens scriptum peruenerit Hugo dei gratia Lincolniensis episcopus eternam in domino salutem Ad pastoris spectat sollicitudinem subditis et maxime religionis nomen professis pacem prouidere et que eorum recte deputata sunt utilitatibus summopere fouere et perpetuo stabilire Hinc est quod intuitu religionis et honeste conuersationis dilectorum in Christo filiorum nostrorum Roberti abbatis et conuentus de Egnesham habito etiam specialiter respectu ad hoc quod predicta domus ex antiqua regum largitione et confirmatione tota est in manu et potestate nostra successorumque nostrorum predictis abbati et monachis de Egnesham ibidem deo seruientibus et in perpetuum seruituris ecclesias suas rationabiliter adeptas et pensiones quas in eisdem ecclesiis annuatim percipiunt episcopali auctoritate confirmamus uidelicet ecclesiam de Stantona et in ea annuam pensionem unius marce argenti ecclesiam de Heiford[] et in ea pensionem uiginti solidorum ecclesiam de Bertona et in ea pensionem dimidie marce argenti ecclesiam de Cherleberi et in ea pensionem quinque marcarum argenti ecclesiam de Cornwell[] et in ea pensionem unius libre cere ecclesiam de Rollendrict[] et in ea pensionem x solidorum ecclesiam de Cumba et in ea pensionem x solidorum ecclesiam de Newentone et in ea pensionem quatuor solidorum ecclesiam de Solthorne et in ea pensionem duarum marcarum argenti ecclesiam de Stokes et in ea pensionem unius libre piperis ecclesiam de Nortona et in ea pensionem quatuor solidorum Hec inquam omnia ecclesiastica beneficia que iuste et canonice inpresentiarum [...]

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.