Albericus sancte Hostiensis ecclesie minister sedis apostolice legatus dilecto in Christo fratri W abbati Egnesham eiusque successoribus canonice substituendis in perpetuum Quoniam sine cultu uere religionis nec caritatis unitas potest subsistere nec gratum deo exhiberi seruitium expedit apostolice auctoritati religiosas personas diligere et religiosa loca sedis apostolice munimine tueri et confouere Unde nos oportet uenerabilibus locis protectionis manum porrigere ut in illis habitantes tranquillius et securius domino ualeant deseruire Proinde frater dilecte W tuis iustis postulationibus assensum prebentes priuilegium quod uenerabilis frater noster a[lexander] Lincolniensis episcopus communi consilio capituli Lincolniensis tibi et ecclesie cui prees concessit et sigilli sui impressione firmauit scilicet ut omnes clerici et laici de Oxenefordschira qui ecclesiam Lincolniensem in diebus Pentecost[en] adire solebant ecclesiam de Egnesham requirant et eandem indulgentiam quam ibi perciperent hic consequantur nos pro reuerentia beate et gloriose Uirginis dei genitricis Marie et deuotione fratrum inibi deo famulantium confirmamus et apostolica auctoritate cuius uices inpresentiarum agimus corroboramus saluo iure et dignitate Lincolniensis ecclesie Actum anno ab incarnatione domini mcxxxviii

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.