Hec est compositio que facta est inter Godefridum abbatem et monachos de Egnesham et priorem et canonicos de Berencestria super duabus garbis decimarum de dominio Gilleberti Basset de Strattona coram Philippo priore sancte Frideswide et magistro Ricardo de aeilesberia quibus auctoritate uenerabilis patris domini Hugonis Lincolniensis episcopi causa que inter ipsos super eisdem decimis uertebatur commissa fuerat Partibus siquidem presentibus hoc modo lis amicabili compositione sopita est quod uidelicet prefate due garbe decimarum de dominio de Strattona penes ecclesiam de Berencestria in perpetuum residebunt easque canonici de Berencestria sine molestia et perturbatione aliqua perpetuo possidebunt reddendo ecclesie de Egnesham nomine pensionis xii solidos annuatim infra xv dies post festum sancti Michaelis Conuen[it] etiam inter eos quod si prefata ecclesia de Berencestria in solutione prenominate pensionis xii solidorum infra terminum prescriptum cessauerit ecclesia de Egnesham ad prescriptas decimas de quibus controuersia fuerat et postmodum hac amicabili compositione terminata est liberum habeat regressum Hec compositio facta est anno ab incarnatione domini mclxxxviii apud Stantonam in ecclesia eiusdem uille feria quarta post dominicam qua cantatur misericordia domini et postmodum apud sanctam Frideswidam apud Oxenefordiam plene confirmata His testibus Philippo priore sancte Frideswide magistro Ricardo de Ailesberia Nigello decano de Oxenefordia Ernaldo Radulfo Hugone presbiteris Waltero presbitero magistro Iohanne de Tinemuh[] magistro Roberto de Eboraco Roberto filio Petri de Lamara Willelmo fratre suo Hugone de Druual Roberto de Aumari Radulfo Gibbinn[] Gaufrido de Bella Aqua Roberto filio Pagani Ricardo filio Morin[i] Radulfo filio Amalrici Fulcone Basset Thoma Basset Thoma filio Willelmi Henrico Banastre Roberto filio Radulfi Baldewino portario et multis aliis

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.