Uniuersis sancte matris ecclesie filiis Radulfus Murdac salutem Noueritis me pro salute animarum domini mei Henrici regis Anglie secundi et mee et Eue de Grai uxoris mee et omnium antecessorum nostrorum dedisse et concessisse et hac presenti carta mea confirmasse deo et sancte Marie de Egnesham et monachis ibidem deo seruientibus quicquid habui in molendino de Clifton[] scilicet terciam partem anno regni regis Ricardi tercio et molendinum meum de Broctona quod situm est uersus Lemhulle in puram et perpetuam elemosinam habend et possidenda usque in sempiternum et preterea singulis annis ad Pascha floridum dedi eis in manerio meo de Broctone unam summam frumenti ad oblatos faciendos ita quod ego et heredes mei post me gwarantizabimus ecclesie de Egnesham predictam elemosinam contra omnes homines Quod si ego aut heredes mei predictam elemosinam predictis monachis gwarantizare non poterimus et deus michi heredem de Eua uxore mea concesserit in manerio meo de Rutrefeld[] uel de Stanlac ad ualentiam escambium dabimus Si uero quod absit de predicta Eua heredem non habuero ego aut heredes mei post me in maneriis meis de Broctona et Burtona eis ad ualentiam escambiemus Quare uolo quod predicti monachi habeant et teneant predictam elemosinam bene et in pace libere et quiete cum omnibus pertinentiis suis ab omnibus secularibus consuetudinibus et exactionibus His testibus Amisio de Wodestoche Ricardo filio Alani Roberto de Wttona Willelmo nigro Simone Murdac Laurentio de Mora

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.