Notum sit tam presentibus quam futuris quod Radulfus Basset et uxor eius A miserunt unum monachum in cenobio Egneshamnensi pro dei amore et peccatorum suorum remissione Et pro illo monacho dederunt eidem ecclesie unam carrucatam terre in uilla sitam que Chinalton[] uocatur que scilicet terra Colestune pertinet iure hereditario in perpetuum et x boues ita solutam et quietam ab omnibus seruiciis et consuetudinibus sicut ipse Radulfus eam tenuerat excepto geldo regis Si uero ipse habuerit suum geldum quietum et illud quietum erit Constituerunt etiam quod uxor ipsius Radulfi dabit unoquoque anno xx solidos predicte ecclesie quamdiu ipsa uixerit et semper monachum uestiet Si autem ipse Radulfus et illa consilio accepto aliquam terram que ipsos xx solidos uel plus ualeat dare uoluerint predicte ecclesie illi predicti solidi remanebunt nec amplius dabuntur Et si illam terram ut dictum est ecclesie dederint pacto firmatum est quod quando monachus ille quem in prefata ecclesia miserunt obierit alius semper post alium pro salute animarum illorum in loco defuncti restituetur Huius conuentionis testes fuerunt Walterus archidiaconus et Willelmus Basset et Ricardus Basset Hec conuentio facta est anno m C xx ab incarnatione domini nostri Ihesu Christi regnante rege Henrico anno xx

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.