Uniuersis sancte matris ecclesie filiis ad quos presens scriptum peruenerit Mathildis de Luci filia Gerardi de Luci salutem Nouerit uniuersitas uestra me spontanea uoluntate et legitima potestate concessisse et presenti carta confirmasse pro anima patris mei et matris mee et auunculi mei Walchelini Hareng et omnium antecessorum meorum deo et ecclesie sancte Marie de Egnesham et monachis ibidem deo seruientibus totum ius quod ad me pertinuit in uilla de Wdeetona tanquam ad proximam heredem predicti Walchelini Hareng sicut cirographum testatur quod in curia domini regis inter me et illos factum est quando Godefridus abbas et monachi de Egnesham pro hac concessione dederunt Radulfo filio Gaufridi uiro meo et michi xx marcas argenti et unum monachum idoneam scilicet personam semper in domo sua habend per me et heredes meos concesserunt Et predictus Radulfus maritus meus et ego super sacrosancta euangelia iurauimus nos hanc confirmationem siue concessionem in perpetuum ratam habituros et fideliter obseruaturos et inde eis cartam nostram tunc fecimus sigillis nostris roboratam Quare uolo quod predicti monachi predictam terram habeant integre libere et quiete ab omni seruicio et consuetudine ad me pertinente saluo seruicio domini regis et domini fundi et huic postreme confirmationi eis ad perpetue securitatis firmitatem a me facte interfuerunt testes Willelmus de Sancto Iohanne Regin[aldus] filius Azor Willelmus de Bert[ona] Gillebertus de Ida Odo de Bert[ona]

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.