Sciant tam presentes quam futuri quod ego Helewisa filia Rogeri de Oili uxor Willelmi Cheinedut concessi et reddidi deo et sancte Marie de Egnesham et monachis ibidem deo seruientibus totam terram cum prato uno et duabus insulis que pater meus Rogerus de Oili dedit michi in mariagium in Oxenefordia quam uidelicet terram prefati monachi prius habuerunt et diu possederunt ex donatione aui mei Rogerii de Oili et hoc feci pro dei amore propria et bona uoluntate nulla coactione mariti mei Willelmi Cheinedut sed ipsius et patris mei bona uoluntate et consensu Et hocipsum ego et maritus meus Willelmus firmiter et fideliter tenend super magnum altare Egnesham coram multis iurauimus et hocipsum ego cum marito meo concessi et recognoui ad scaccarium apud Westmonasterium coram iusticiis domini regis scilicet coram Ricardo de Luci et Galfrido episcopo Eliensi et Iohanne episcopo Norwicensi et Willelmo Basset et Rogero filio Reinfredi et Roberto Mantel et coram ipsis clamaui quietum totum ius hereditatis mee et rectum quod habui in terra et prato et insulis prenominatis de Oxenefordia de me et heredibus meis et pro hac concessione et redditione et recognitione Godefridus abbas prenominate ecclesie de Egnesham et monachi eiusdem ecclesie dederunt marito meo Willelmo Cheinedut xxx marcas et michi x aureos His testibus Ricardo thesaurario regis Waleramno de Cricchelada Radulfo de Cheisnei Helya de Scaccario

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.