Omnibus Christi fidelibus ad quos presens scriptum peruenerit Ricardus Taillarde eternam in domino salutem Nouerit uniuersitas uestra me pro salute anime mee et omnium antecessorum et heredum meorum dedisse et concessisse et hac presenti carta confirmasse in puram et perpetuam elemosinam deo et sancte Marie de Egnesham et monachis ibidem deo seruientibus unam uirgatam terre in Fauflore illam scilicet quam habui de feodo Petri Thalemasche cum duobus mansis et omnibus pertinentiis et liberis consuetudinibus intra uillam et extra uillam habend et possidendam libere et quiete sicut decet elemosinam de me et heredibus meis pro dimidia libra cimini reddenda annuatim ad Pascha pro omni seruitio et demanda ad me uel ad heredes meos pertinente saluo seruitio domini regis Preterea Gilebertum filium Humfridi et Alexandrum filium Alfridi cum omnibus catallis et tota sequela eorum eisdem monachis contuli et pro me et pro heredibus meis inperpetuum quietos clamaui Hanc autem donacionem concessionem et quietam clamacionem tam ego quam heredes mei predictis monachis inperpetuum contra omnes warantizabimus Pro huius autem donacionis concessionis et quiete clamacionis confirmacione dedit michi dominus Adam abbas Egneshamie quinque marcas tres solidos et quinque denarios Quod ut ratum sit et firmum huic presenti carte sigillum meum apposui Hiis testibus Uiuiano tunc uicecomite Oxon[] Ricardo Foliot Petro Talesmasche Willelmo filio Baldewini Roberto Bel Gileberto Taillarde Thoma de Nortwde Ricardo de Submuro et pluribus aliis

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.