H[] dei gratia Eliensis episcopus uiris uenerabilibus et in Christo karissimis abbati et conuentui Egneshamie salutem in uero salutari Super causa Roberti laici crucesignati iterato mandatum domini pape recepimus in hec uerba Gregorius episcopus seruus seruorum dei uenerabili fratri episcopo Elyensi salutem et apostolicam benedictionem Significauit nobis Robertus laicus crucesignatus quod cum causam que inter ipsum ex parte una et abbatem et conuentum Egnesham Lincolniensis diocesis ex altera super eo uertitur quod dicti abbas et conuentus lohannem crucesignatum w[] et r[] filios eius esse illegitumos asserentes ipsos quominus in bonis paternis et maternis libere succedere ualeant minus iuste huius occasione impediunt tibi sub certa forma duximus committendam tu propter inhibicionem regiam in ea procedere hactenus non curasti in eorum preiudicium non modicum et grauamen Cum igitur in derogacione iusticie non sit homini deferendum fraternitati tue per iterata scripta mandamus quatinus in eadem causa iuxta priorum literarum tenorem sine more dispendio preuia racione procedas preceptum nostrum taliter impleturus quod non possis ulterius de inobediencia reprehendi Dat[] [etc] pontificatus nostri anno iiii Cum igitur necesse habeamus apostolicis obedire preceptis auctoritate premissa uobis precipiendo mandamus quatinus die Mercurii post octabas Pentecos[tes] coram nobis apud b[er]newelle in maiori ecclesia compareatis si quid uobis uisum fuerit expedire super illegitimacione quam contra prefatos opponitis ostensuri et alias secundum quod iustum fuerit in predicto negocio processuri Actum anno domini m cc xxxi in festo sancti Georgii

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.