Hec est conuencio facta ad festum sancti Michaelis anno domini m cc lxviii inter Iohannem miseracione diuina abbatem Egnesham et eiusdem loci conuentum ex parte una et Nicholaum Aurifabrum de Oxonia ex altera ita uidelicet quod dicti abbas et conuentus tradiderunt et dimiserunt predicto Nicholao ad firmam totam terram suam de Folebroc in comitatu de Bokingeham quam emerunt quondam de Elya de Wymberuile cum homagiis redditibus releuiis wardis eschaetis pratis et pasturis et cum omnibus aliis libertatibus et liberis consuetudinibus ad predictam terram pertinentibus habend et tenend predicto Nicholao et heredibus suis uel assignatis de predictis abbate et conuentu et eorum successoribus usque ad finem xx annorum plenarie completorum reddendo inde annuatim dictis abbati et conuentui et eorum successoribus vi marcas sterlingorum ad quatuor anni terminos uidelicet ad Nathale Domini xx solidos et ad Pascha xx s et ad festum sancti Iohannis Baptiste xx s et ad festum sancti Michaelis xx s pro omni seruicio seculari exaccione et demanda Fiet autem prima solucio ad Nathale Domini anno supradicto Et si contingat dictum N et heredes suos uel assignatos in solucione dicti redditus post quindenam alicuius termini cessare quod absit licebit dictis abbati et conuentui et eorum successoribus predictam terram libere ingredi et retinere sine contradiccione dicti Nicholai et heredum suorum uel assignatorum uel pro opcione sua predictum N et heredes suos uel assignatos ibidem uel alibi ubicunque uoluerint distringere quousque eisdem de predicto redditu plenarie fuerit satisfactum Et si contingat dictum Nicholaum et heredes suos uel assignatos homines et tenentes dicti manerii indebite uxore concessit dictus N pro se et heredibus suis uel assignatis quod dicti abbas et conuentus et eorum successores possint predictum Nicholaum et heredes suos uel assignatos ad plenar[iam] sat[isfaccionem] compellere renunciando in hiis omnibus et singulis omni excepcioni cauillacioni et maxime regie prohibicioni et omni iuris remedio tam canonici quam ciuilis quod dictis abbati et conuentui possit obesse et dicto Nicholao prodesse Dictus etiam Nicholaus omni impetracioni contra talem districcionem in quacunque curia faciende precise et expresse pro se et heredibus suis uel assignatis renunciauit Dicti uero abbas et conuentus et eorum successores totam predictam terram [etc] Et si contingat dictum Nicholaum et heredes suos uel assignatos per aliquos pro sectis uel pro summon[icionibus] scaccarii indebite uexari dicti abbas et conuentus et eorum successores de talibus uexacionibus dictum Nicholaum et heredes suos uel assignatos defendent Si uero ipsis monitis expensas aliquas propter defectum eorum fecerint huiusmodi expensas per uisum bonorum et legalium uirorum dictis Nicholao et heredibus suis uel assignatis restituent si tamen id fieri malitiose non procurauerint Predictus uero N et heredes sui uel assignati domos et grangias ibidem inuentas in eodem statu uel meliori quo eas receperunt per uisum bonorum et legalium uirorum specialiter ad hoc conuocatorum retinebunt et sustentabunt et si contingat quod predictus N et heredes sui uel assignati necesse habeant aliquam domum infra predictum terminum de nouo construere ita quod dicti abbas et conuentus aliquod commodum in fine predicti termini exinde consequantur de expensis super predicta domo factis predicto Nicholao et heredibus suis uel assignatis per uisum bonorum uirorum et legalium plenarie satisfacient In cuius etc

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.