Pateat uniuersis et singulis Christi fidelibus quod nos I miseracione diuina abbas Egnesham et eiusdem loci conuentus dedimus [etc] Iohanni de Iueten[] quoad uixerit custodiam porte abbathie nostre ita quod dictus Iohannes dictum officium fideliter et sine aliqua fraude custodiat et dirripientes bona monasterii pro posse suo impediat Uolumus etiam quod dictus Iohannes singulis diebus quando dompnus abbas domi fuerit coram ipso cum seruientibus suis comedat In absencia uero dompni abbatis uel si dictus Iohannes fuerit infirmus recipiat singulis diebus de cellario nostro unum panem monachalem et unum galonem et dimidium ceruisie conuentualis et unum ferculum de coquina abbatis et quod cellerarius prouideat sibi unam robam sicut seruientes abbatis habent Et quod habeat foragium ad unum equum sicut alii seruientes abbatis Idem quoque Iohannes sumptibus dictorum abbatis et conuentus quo eum dicti abbas et conuentus pro negociis suis mittere uoluerint ibit sine quacunque contradiccione quociens sibi uiderint expedire Si uero dictus Iohannes deliquerit quod absit uolumus quod dictum delictum per uisum bonorum et legalium hominum emendetur per subtraccionem sue liberacionis si necesse fuerit in hac parte Super quibus omnibus et singulis prestitit nobis dictus Iohannes sacramentum fidelitatis Pro hac autem donacione [etc] dedit nobis dictus Iohannes triginta marcas in gersummam Et ut [etc] dat[] in capitulo nostro die Iouis proxima ante festum Purificacionis beate Marie anno domini m cc octogesimo

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.