Rogerus Extraneus iusticiarius foreste citra Trent[am] custodi foreste de Wychewode salutem Mandatum domini regis suscepimus in hec uerba ' e[] dei gracia rex Anglie dominus Hybernie etc dilecto et fideli suo Rogero Extraneo iusticiario foreste sue etc salutem Cum celebris memorie dominus h[] rex pater noster per cartam suam quam inspeximus concesserit dilectis nobis in Christo abbati et conuentui de Egnesham quod ipsi assartare possint totam terram suam que est inter Bladenam et chiminum petrinum et quod terram illam inter assarta non numeratam teneant in puram et perpetuam elemosinam vobis mandamus quod eosdem abbatem et conuentum terram predictam assartar[e] et assartatam tenere permittatis iuxta tenorem carte predicte prout iidem abbas et conuentus racionabiliter eam assartare et tenere consueuerunt temporibus retroactis Teste me ipso apud Lindhurste secundo die Septembris anno regni nostri tercio decimo ' Et ideo vobis mandamus quod mandatum istud plene exequamini in forma predicta Datum apud Derby die Lune proxima post festum sancti Michaelis anno predicto

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.