Gloucestria Assisa uenit recognitura quis aduocatus tempore pacis presentauit vltimam personam que mortua est ad ecclesiam de Thettebury que vacat etc et cuius aduocacionem abbas de Egnesham clamat versus Godefridum episcopum Wygorniensem et magistrum Ricardum de Plumstoke et vnde idem abbas per attornatum suum dicit quod quidam Iohannes quondam abbas etc predecessor istius abbatis nunc tempore pacis tempore regis nunc presentauit ad predictam ecclesiam quendam magistrum Gregorium de Keyrewent clericum suum qui ad presentacionem suam fuit admissus et institutus etc post cuius mortem predicta ecclesia modo vacat etc Et episcopus et magister Ricardus per attornatum ipsius episcopi uen[iunt] et magister Ricardus dicit quod ipse nichil habet nec aliquid habere clamat in aduocacione predicta etc nec aduocacionem illam predicto abbati deforciat etc et episcopus similiter dicit quod ipse nichil clamat in aduocacione predicta nisi tanquam loci dyocesanus etc nec predictam aduocacionem ei deforciat etc ideo predictus abbas habeat breue predicto episcopo quod non obstante reclamacione predictorum episcopi et magistri Ricardi ad presentacionem ipsius abbatis ad predictam ecclesiam idoneam personam admittat Placita coram I de Metingham et sociis suis iustic[iariis] de Banco anno regni regis Edwardi filii regis Henrici xxv termino Pasche rotulo cxi

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.