Sciant presentes et futuri quod ego Iohannes Giffard dominus de Bremesfeld pro salute anime mee et animarum Matildis Longespeye quondam consortis mee et antecessorum et heredum meorum dedi [etc] deo et beate Marie et ecclesie beatorum Iohannis apostoli et ewangeliste et Benedicti abbatis et confessoris Oxonie et priori et conuentui eiusdem loci ordinis sancti Benedicti et communitati monachorum eiusdem ordinis prouincie Cantuariensis ibidem causa studii transmissorum seu transmittendorum in forma debito modo prouisa et statuta per generale capitulum ordinis et prouincie predicte omnes terras et tenementa cum singulis suis pertinentiis que habui in uico de Stocwellestrete in suburbio Oxonie uidelicet omnes terras et tenementa que habui de dono et feoffamento fratris Willelmi de Haunle tunc prioris sancte domus Hospitalis sancti Iohannis Ierosolymitani in Anglia assensu et uoluntate omnium fratrum totius capituli sui et omnes terras et tenementa que habui ex dono et feoffamento Iohannis de Langeport burgensis Oxonie et totum illud tenementum quod habui ex dono et feoffamento Eue lotricis et totum illud tenementum quod habui ex dono et feoffamento Iohannis Wheston et Ydonie uxoris sue et totum illud tenementum quod habui ex dono et feoffamento Stephani Deuone et Alicie uxoris sue ad fundationem et adiutorium perpetue sustentacionis prioratus et communitatis ordinis predicti ibidem in liberam puram et perpetuam elemosinam et quietam habend et tenend predictis priori et conuentui et successoribus suis et communitati predicte de me et heredibus meis libere quiete ab omni seruicio exaccione et seculari demanda in perpetuum Et ego [etc] ita quod predicto priore cedente uel decedente quilibet prior succedens electus per conuentum dicti loci michi et heredibus meis tanquam patrono loci illius presentetur quem sine difficultate dilacione seu calumpnia aliqua recipiemus Et uolo et concedo pro me et heredibus meis quod supprior et conuentus eiusdem prioratus habeant et percipiant libere tempore uacacionis omnes exitus et prouentus ad prioratum et communitatem predictam pertinentes sine aliquo impedimento uel calumpnia mei uel heredum meorum inperpetuum In cuius [etc] hiis testibus domino Iohanne Giffard consanguineo meo domino Roberto filio Pagani domino Radulpho de Gorges domino Roberto de Stepeltone militibus et Iohanne le Bret Iacobo de Lye Iohanne de Aqua et aliis

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.