Uenerabili in Christo patri domino [...] dei gracia Cantuariensi archiepiscopo tocius Anglie primati vel custodi spiritualitatis in episcopatu Eliensi sede Eliensi vacante suus humilis et deuotus frater Adam abbas Egnesham et eiusdem loci conuentus Lincolniensis diocesis salutem et deuotam in omnibus reuerenciam obedienciam et honorem Ad vicariam ecclesie sancte Etheldrede de Histona Eliensis diocesis vacantem et ad nostram presentacionem spectantem dilectum nobis in Christo dominum Thomam de Donnestywe capellanum vestre paternitati reuerende seu uices uestras gerenti in hac parte presentamus humiliter supplicantes et deuote quatinus dictum dominum Thomam ad dictam uicariam admittere et ipsum uicarium in eadem uicaria instituere et cetera que uestro in hac parte incumbunt officio racione dicte Eliensis diocesis cuius sedes nunc uacare dinoscitur peragere dignemini intuitu caritatis In cuius [...] Datum apud Egnesham in capitulo nostro quarto Nonas Februarii anno domini m ccc nono Interliniar[e] apponatur quando casus se optulerit videlicet si commiserit aliter non

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.