Cantabrigie de libertatibus Dicunt quod abbas de Egnesham clamat habere visum franciplegii emendas assise panis et ceruisie fracte in manerio suo de Histona et preceptum est uicecomiti quod uenire faciat etc Et postea predictus abbas per atturnatum suum venit et dicit quod ipse et omnes predecessores sui tenuerunt dictum visum per balliuos domini regis et dominus rex capit singulis annis per predictos balliuos suos decem solidos et nichilominus de omnibus tenementis dicti abbatis emendas assise panis et seruisie fracte et omnia alia que ad visum pertinent saluis eidem abbati minutis amerciamentis de defect[u t]antum et quod de omnibus predictis libertatibus cons[uetis] predictus abbas et omnes predecessores sui vsi sunt a tempore quo non extat memoria petit quod inquiratur Et iurati dicunt super sacramentum suum quod predictus abbas et omnes predecessores sui a tempore quo non extat memoria habuerunt omnes libertates predictas saluo domino regi decem solidos et emendas predictas in eadem villa et quod eisdem libertatibus vsi sunt sine interrupcione et quod dominus rex est in seysina de predictis decem solidis et emendis per visum balliui sui Ideo predictus abbas inde sine die saluo etc Facta fuerunt omnia premissa in placitis corone apud Cantebriggiam coram Iohanne de Berewyke Willelmo de Ormesby Iohanne de Lythegreyn Iohanne de Ranquelle et Henrico de Spigurnel iusticiariis itinerantibus ibidem in octabis sancti Hillarii anno regni regis Edwardi filii regis Henrico septimo

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.