Uniuersis sancte matris ecclesie filiis ad quos presens carta peruenerit a[dam] diuina miseracione abbas Egneshamie totusque eiusdem loci conuentus salutem in domino Ad uniuersitatis uestre noticiam uolumus peruenire nos diuine pietatis intuitu unanimi consensu quietam clamasse de nobis et successoribus nostris in perpetuum priori et conuentui Luffelde ad promocionem domus eiusdem Luffelde omnem questionem quam erga predictam domum Luffelde habuimus super subiectione eiusdem domus Luffelde qua nos proposuimus eandem domum Luffelde nobis et domui nostre esse subiectam et quicquid iuris in eadem domo uel subiectione eiusdem domus tam in rebus quam in personis uendicauimus et nos habere proposuimus omnino eidem priori et conuentui Luffelde remisisse in perpetuum Uolumus itaque et concedimus ut eadem domus Luffelde tam in creatione rectoris tam in professione monachorum necnon et in omnibus aliis spiritualibus et temporalibus a nobis et successoribus nostris in perpetuum libera et soluta sit nec in temporalibus nec in spiritualibus nobis siue successoribus nostris in aliquo subiecta habeatur Omnia uero instrumenta que penes nos super prefata domo et subiectione eiusdem domus habuimus prenominatis priori et conuentui Luffelde restituimus Et ne istud futuris temporibus in irritum possit reuocari uel aliquo modo ab aliquibus retractari prefatam remissionem concessionem et quietam clamationem presenti scripto in modum cirographi confecto et sigillorum nostrorum oppositione confirmauimus Hiis testibus [rogero decano Lincolniense R et W de Northampton et Bukingeham archidiaconis Simone de Pateshulle Iocelino de Stiuecle Iacobo de Poterna Rogero Huscarle Henrico de ponte Audomar[] tunc iustic[] domini regis in banco A priore de Brakele Gileberto decano de Icteslepe magistro Helya de Ti Martino de Pateshulle clerico Radulfo Harange et multis aliis]

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.