Sciant presentes et futuri quos nos Gilbertus de Pontefracto et Thomas de Humbletone dedimus et concessimus et hac presenti carta nostra confirmauimus magistro domus scolarium de Balliolo et scolaribus eiusdem duas placeas terre quas habuimus ex concessione donacione tradicione Iohannis le Feteplace burgensis Oxonie pro quadam summa pecunie sibi soluta pre manibus que quidem placee iacent in suburbio Oxonie in uico qui uocatur Horsmongerstrete inter terram Iohannis le Sclatter ex parte occidentali et terram monachorum Dunelm[] ex parte orientali et continent in se centum et quater uiginti pedes in longitudine et quinquaginta pedes in latitudine ad elargacionem mansi predictorum magistri et scolarium iuxta formam uim et effectum carte domini regis nobis et eis in hac parte licenciam specialem tribuentis statuto de terris et tenementis ad manum mortuam non ponendis edito non obstante habend et tenend dictas placeas terre cum pertinenciis predictis magistro et scolaribus et eorum successoribus magistro et scolaribus eiusdem domus de nobis et heredibus nostris in perpetuum reddendo inde annuatim capitalibus dominis feodi illius seruicia inde debita et consueta Et nos Gilbertus et Thomas predictas placeas cum pertinenciis prefatis magistro et scolaribus et eorum successoribus magistro et scolaribus eiusdem domus quietum clamauimus in perpetuum In cuius [...] hiis testibus Iohanne de Duklyntone tunc maiore Oxonie Ricardo de Berkele et Willelmo le Catour tunc balliuis eiusdem Andrea de Pirye Ricardo le Spicer Thoma de Sowy Henrico de Lenne Ricardo de Waledene Thoma de Pirye tunc clerico uille et multis aliis Scriptum et consignatum Oxonie sexto Idus Iulii anno regni regis Edwardi filii regis Edwardi quarto

Source Fulltext: Oxford Balliol Deeds. H. E. Salter. Oxford Historical Society, V.64. Oxford Historical Society. Clarendon Press. Oxford. 1913.