Nouerint uniuersi presens scriptum uisuri uel audituri quod nos Hugo de Scales et Galfridus de Heyham executores testamenti uenerabilis uiri magistri Willelmi Burnel quondam Wellensis prepositi secundum voluntatem ultimam et iniunccionem nobis a dicto testatore in periculo animarum nostrarum factam in testamento predicto concessimus et quantum in nobis est tradidimus et dimisimus magistro et scolaribus aule de Balliolo in Oxonia et eorum successoribus pro anima domini Roberti Burnel quondam Batoniensis et Wellensis episcopi patrui dicti testatoris et pro anima dicti testatoris omnia tenementa et omnes domos et redditus que fuerunt ipsius magistri Willelmi in Oxonia de quibus seysina et possessio nobis liberata fuit per maiorem et balliuos Oxonie uirtute dicti testamenti coram eis in plena curia exibiti et probati habend et tenend de capitalibus dominis feodi predictis magistro et scolaribus aule supradicte et eorum successoribus cum omnibus pertinenciis libere pacifice integre in pace in perpetuum faciendo inde annuatim predictis capitalibus dominis seruicia debita et redditus consuetos et reddendo insuper Roberto de Hastang nepoti dicti testatoris annuatim a tempore quo predicta tenementa pacifice possideant usque ad terminum decem annorum proximo sequencium quadraginta solidos secundum formam in dicto testamento expresse contentam Et ut hec nostra concessio tradicio et dimissio quantum ad nos attinet dictis magistro et scolaribus valida sit et robur firmitatis optineat in perpetuum huic presenti scripto sigilla nostra sunt appensa Hiis testibus Iohanne de Ew tunc maiore Oxonie Philippo de Ew Thoma Sowi Andrea Pyrie Roberto de Wormenhale Philippo de Wormenhale Henrico de Linne Ricardo de Re Iohanne de Beuerle et aliis

Source Fulltext: Oxford Balliol Deeds. H. E. Salter. Oxford Historical Society, V.64. Oxford Historical Society. Clarendon Press. Oxford. 1913.