In nomine Patris et Filii et Spiritus Sancti Amen Ego Iohannes Binne de Oxonia condo testamentum meum in hunc modum die Martis proxima post festum sancti Andree apostoli anno domini mccc tercio In primis lego animam meam deo et beate Marie uirgini et omnibus sanctis dei et corpus meum ad sepeliendum in cimiterio beati Iohannis de Mertone in Oxonia Item lego summo altari eiusdem loci ii sol item duobus capellanis eiusdem loci xii den pro equali porcione item clerico eiusdem loci iiii den item lego in subsidium terre sancte v sol item pro uno tricenali celebrando die sepulture mee ii sol vi den item cere et cilicio iiii sol vi den item pauperibus in pane die sepulture mee iiii sol item in exspensis circa corpus meum v sol item fratribus sancti Augustini v sol item domine Emme Bodin monache xii den item Willelmo de Lambourne clerico vi den item lego Matildi uxori mee quicquid residuum fuerit de bonis meis parti mee contingentibus prius in testamento meo non legatis ita quod debita mea agnoscat et persoluat Preterea lego eidem Matildi uxori mee quamdiu uixerit totum tenementum meum cum pertinenciis quod situm est in parochia sancti Iohannis de Mertone ita quod post desessum predicte Matildis do lego ad uendendum et distribuendum pro anima mea et pro anima predicte Matildis et pro animabus patris mei et matris mee et pro animabus puerorum meorum et pro animabus omnium fidelium defunctorum secundum ordinacionem executorum meorum videlicet ut in missis et in pannis ad opus pauperum et sotularibus ut melius uiderint anime nostre expedire Huius testamenti mei executores facio ordino et constituo dilectos michi in Cristo Gilbertum de Grimstede Robertum de Drihulle et Matildem uxorem meam exsecutricem principalem In cuius rei testimonium huic testamento sigillum meum apposui Dat[] Oxonie die et anno supradictis Probatum fuit istud testamentum coram Decano Oxonie xi Kal Iunii anno domini mccc quarto et concessa fuit administracio bonorum defuncti executoribus in testamento nominatis recepto prius ab eisdem sacramento de fideli administracione facienda inuentario conficiendo et raciociniis reddendis cum super hoc fuerint requisiti Istud testamentum probatum fuit die Ueneris in crastino sancti Barnabe apostoli anno regni regis E xxxii coram Roberto de Wormenhale tunc maiore Oxonie in plena curia Oxonie per testimonium Henrici le Taillour et Radulfi le Pestour testium ad hoc iuratorum et examinatorum qui in omnibus articulis quesitis bene concordant propter quod maior pronunciauit pro testamento isto bene et legitime probato Et concessa est et adiudicata seisina de tenemento infranominato in forma infrascripta In cuius probacionis testimonium predictus maior sigillum officii sui huic testamento apposuit

Source Fulltext: Oxford Balliol Deeds. H. E. Salter. Oxford Historical Society, V.64. Oxford Historical Society. Clarendon Press. Oxford. 1913.