Omnibus [etc] Gocelinus de Westwic salutem Nouerit uniuersitas uestra me obligasse et abandonasse domino Iohanni de Balliolo domino meo omnia bona mea mobilia et immobilia presencia et futura ubi cumque fuerint inuenta terras omnes et tenementa omnia que presentialiter uel in futuro habere potero quoquomodo ita quod nec ego nec aliquis pro me nec per me aliquid de predictis bonis meis mobilibus uel immobilibus terris uel tenementis dare uendere uel aliquo modo alio a predicto domino Iohanne elongare poterimus donec predicto domino Iohanni uel suo certo attornato qui hoc scriptum penes se habuerit de septies centum et quadraginta septem marcis in quibus ei racionabiliter teneor plenarie satisfecero Pro quibus omnibus et singulis firmiter obseruandis et inuiolabiliter adimplendis renunciaui pro me et heredibus meis ac testamenti mei executoribus me quod absit ante plenam satisfaccionem omnium uel alicuius premissorum in fata decedente omni iuris auxilio canonici uel ciuilis et omni iuris remedio quod michi uel heredibus meis uel testamenti mei executoribus aliquo tempore uel aliquo modo competere uel prodesse poterit in posterum Et ad maiorem omnium premissorum securitatem huic scripto sigillum meum apposui Hiis testibus domino Nicholao de Franckeuile domino Odinello filio Radulfi domino Adam de Pinconio capellano Iohanne de Croft et aliis Actum apud Castrum Bern[] die Mercurii proxima post festum sancte Scolastice uirginis anno gracie mcc quinquagesimo septimo

Source Fulltext: Oxford Balliol Deeds. H. E. Salter. Oxford Historical Society, V.64. Oxford Historical Society. Clarendon Press. Oxford. 1913.