Nouerint uniuersi presentem cartam visuri vel audituri me Andream Blundum nepotem bone memorie Henrici Dublinensis archiepiscopi concessisse et dedisse et hac presenti carta mea confirmasse magistro Iohanni de Offintone domini pape capellano totam terram meam quam habui vel quam habere potui in villa Oxonie illam scilicet in qua sita est aula que dicitur aula Senescalli in vico sancti Iohannis que pretenditur a parte australi usque ad domum magistri Roberti de Prestone ex una parte et ex alia usque ad domum Iohannis le Tornur a parte vero occidentali usque ad domum prioris sancte Frideswide que est in angulo ex parte orientali cum omnibus edificiis et cum omnibus pertinenciis suis habend et tenend predicto Iohanni et heredibus suis vel suis assignatis videlicet cuicumque seu quibuscumque et quandocumque vel ubicumque illam dare assignare vel legare voluerit et eorum heredibus siue assignatis de me et heredibus meis in feodo et hereditate inperpetuum reddendo inde annuatim dominis feodi illius nomine meo et heredum meorum dimidiam marcam argenti ad duos anni terminos etc et quatuor denarios domino regi ad festum sancti Michaelis pro omni seruicio exaccione et demanda Ego vero etc Pro hac autem mea concessione donatione etc predictus Iohannes dedit michi centum marcas argenti in gersummam pre manibus Quod ut etc hiis testibus Laurencio Gwidonis tunc maiore Oxonie Adam filio Walteri de muro Iohanne Curcy tunc prepositis Henrico Symeone Thoma filio Walteri Nicholao de Stocwelle Nicholao de Kyngestone Pentecoste Willelmo de Ho Adam Dysce Laurentio le Rus Radulfo de Suham Roberto Ruffo et multis aliis

Source Fulltext: Oriel College Records. C. L. Shadwell and H. E. Salter. Oxford Historical Society, V.85. Oxford Historical Society. Clarendon Press. Oxford. 1926.