Sciant presentes et futuri quod ego magister Robertus de Prestone dedi etc deo et ecclesie beate Marie de Nuthel[] et canonicis ibidem deo seruientibus et seruituris domos meas in villa Oxonie sitas in Shydyerd inter domum Ade Fabri et domum que quondam fuit magistri Iohannis de Offintone cum omnibus pert suis illas scilicet quas emi ab abbate et conuentu de Messendene tenend et habend in perpetuum libere quiete bene in pace integre et pacifice reddendo inde annuatim abbati et conuentui de Messendene duos solidos in perpetuum ad festum sancti Michaelis et priori et conuentui sancte Fretheswyde Oxonie tres solidos pro omnibus seruiciis consuetudinibus et exaccionibus ad me vel ad alios pertinentibus Pro hac autem donatione etc predictus abbas et conuentus concesserunt michi quemdam capellanum diuina celebrantem in perpetuum in domo sua de Nuthele pro anima mea et animabus antecessorum et successorum meorum plene et integre et ad pascendum quinquaginta pauperes die mei obitus in perpetuum Ego autem etc Et ut etc hiis testibus domino Nicholao de Henrethe tunc vicecomite et custode eiusdem ville Ada Feteplace Nicholao de Kyngneston Iohanne de Curcy tunc prepositis Iohanne Halegod Petro Torald Galfrido de Stocwell Thoma filio Walteri Henrico Perle Ada Fabro Henrico Ingue et multis aliis

Source Fulltext: Oriel College Records. C. L. Shadwell and H. E. Salter. Oxford Historical Society, V.85. Oxford Historical Society. Clarendon Press. Oxford. 1926.