Sciant presentes et futuri quod ego Helwysia quondam vxor Iohannis le Bret de Holcham in pura viduitate mea concessi Dedi et hoc p[re]senti carta mea confirmaui Gilberto filio meo sex acras terre mee cum pertinenciis Iacent[] in Campis de Holcham Quasquidem acras terre habui ex dono Gilberti Payn Quarum vna acra Iacet in campo australi in quodem loco qui nuncupatur Langgebulebotme iuxta terram Gilberti Poysoun versus Aquilonem Cuius Capud orientale abbutat super Gibbesgate Et vna acra et vna roda Iacent collateraliter in vna Cultura que vocatur Langgebulehil iuxta terram Isabelle Le Bret quam tenet in Dote ex parte aquilonali Et vna dimidia acra Iacet iuxta terram Prioris de Walsigham versus austrum et illa vocatur Seyntemari aluaker Et due acre et vna dimidia acra simul iacent apud Larkscote inter terram Iohannis filij mei ex parte boriali et terram Matilde Silk[] quam tenet in dote ex parte Australi Quarum capita Orientalia abuttant super Gibbesgate Et vna dimidia acra Iacet apud Wellegate inter terram Iohannis Le Eyre de Merstone versus Occidentem et Terram Ricardi Le Northern versus Orientem cuius capud Australe abuttat super Regiam viam Et vna Roda et dimidia Iacent apud Scothowegate iuxta terram Radulfi Daulyn versus Orientem et Capud Australe abuttat super terram Gilberti Silke et capud Boriale abuttat super Viam Regalem que vocatur Scothowegate habend et tenend illi et heredibus suis de capitalibus dominis feodorum illorum libere quiete Bene in pace Iure et hereditarie faciendo inde Annuatim Capitalibus Dominis feodorum illorum Seruicia de iure debita et consueta Et michi annuatim in tota vita mea iij quarter[] ordei Et ego predicta Helwysia et Heredes mei warantizabimus predictas pecias terre pro vt in Campis iacentes siue maius siue minus infra eas Continentur Predicto Gilberto filio meo et heredibus suis Contra omnes homines inperpetuum In Cuius rei testimonium huic presenti carte Sigillum meum apposui Testibus Willehno Silke Willelmo Wake Martino Goldwyne Willelmo Buleman Iohanne Ayneld Ricardo Le Northerne Johanne Goldwyne Humphrido Dauyd et multis aliis Datum apud Holcham die dominica post festum sancte crucis anno Regni Regis Edwardi filij Edwardi secundo

Source Fulltext: Lordship and Landscape in Norfolk 1250-1350, the Early Records of Holkham. W. Hassal and J. Beauroy. Records of Social and Economic History, New Series 20. British Academy. Oxford University Press. Oxford. 1993.