Omnibus Christi fidelibus ad quos presens scriptum pervenerit Anckerus filius Radulphi de Frecchenvil[] salutem in domino Noveritis me pro salute anime mee et pro animabus omnium antecessorum et successorum meorum dedisse concessisse et hac presenti carta mea confirmasse deo et ecclesie beate Marie de Parco Stanleye et canonicis ordinis Premonst[] ibidem deo servientibus in liberam puram et perpetuam elemosinam totam medietatem meam quam habui in molendino de Alwaldeston[] quod vocatur molendinum de Burgo cum toto alneto quod vocatur Mulneker et alio alneto quod vocatur le Cletiholm[] que pertinent ad ipsum molendinum cum situ ipsius molendini cum tota sequela omnium hominum meorum de Alwaldeston[] Aylwaldeston Ambaldeston[] et Thurleston[] et cum operacione hominum eorumdem cum dicti canonici viderint sibi neccesse esse dummodo ultra noctem per servientem dictorum canonicorum fuerint summoniti videlicet quod cum stangnum in aliqua sui parte fractum fuerit dicti canonici invenient meremium in bosco suo de Stanl[] vel de Okebrok[] vel de Gothay et dicti homines qui debent sectam illud cariabunt sumptibus suis usque ad molendinum et in ipso stangno in neccessariis operabuntur quousque bene molere possit dictum molendinum ipsumque stangnum cum necesse fuerit sanabunt et inundabunt et cum viis et semitis et cum libero introitu et exitu aqua stagno et piscacione ad ipsum molendinum pertinentibus mihi et heredibus meis et familie nostre passagio per batellum et vadum sicut solebamus et salva mihi et libere familie mee multura cujus bladi cum ego et libera familia mea ibidem apud Alwaldeston[] perhendinaverimus et salva multura capitalis servientis mei ibidem in absencia mea ita scilicet quod ego cum presens apud Awaldesto[] fuero vel serviens meus cum absens fuero primi molemus post ipsum cujus blada est super molendinum sicut solebamus et predicti homines mei facientes sectam ad molendinum illud molent ad multuram sicut molere consueverunt tempore antecessorum meorum videlicet ad tercium decimum granum et salva mihi et heredibus meis piscacione inter vadum de Spondon[] et Gothay sicut piscari solebam et si homines mei predicti molant alibi quam ad dictum molendinum nisi sit ex licencia abbatis et conventus dicte domus vel pro defectu molendini puniantur sic quod equus capiatur ad opus Ankeri vel heredum suorum et saccus et farina abbati remaneant et si dictus abbas voluerit dictum molendinum alibi amovere liceat illi illud construere et stangnum suum attachiare misi melius et commodius sibi viderit expedire in terra sua super predictas divisas salvis mihi et heredibus meis libertatibus meis prenominatis habend et tenend dictis canonicis totam dictam medietatem dicti molendini cum omnibus pertinenciis suis sicut predictum est in liberam puram et perpetuam elemosinam Et ego dictus Ankerus et heredes mei dictam medietatem dicti molendini cum omnibus pertinenciis suis sicut predictum est dictis canonicis et successoribus contra omnes gentes warantizabimus et defendemus et de omnibus adquietabimus inperpetuum In hujus autem rei testimonium presenti scripto sigillum meum apposui Hiis testibus domino Willelmo de la Landa domino Thoma Hanselin militibus Hugone de Muschamp Hugone de Teveray Waltero de Morleg[] Ricardo de Weston[] Willelmo Poynez Henrico filio Petri de Bolton Hugone de Gurney Radulpho de Halum et aliis Actum apud abbaciam de la Dale ad festum sancti Johannis Baptiste anno domini m cc lx primo

Source Fulltext: Cartulary of Dale Abbey. Royal Commission on Historical Mansucripts Joint Publication, 11. Avrom Saltman. Derbyshire Archaeological Society Record Series, 2. Derbyshire Archaeological Society. H.M.S.O. London. 1967.