Omnibus Christi fidelibus ad quos presens scriptum pervenerit Robertus filius et heres Radulphi filii Nicholai salutem in domino Noverit universitas vestra quod ego pro amore dei et pro salute anime mee et animarum antecessorum meorum dedi concessi et hac presenti carta mea confirmavi deo et ecclesie beate Marie de Parcho Stanleye et canonicis ordinis Premonst[] ibidem deo servientibus totum dominium quod habui in villa et in territorio de Kyrkehalum et homagium et servicium heredum quondam Walteri de Morleya in Kyrkehalum cum wardis releviis escaetis et omnibus proficuis et pertinentiis que pro tempore poterunt excadere quocumquemodo de omnibus tenementis que dictus Walterus et Johanna uxor ejus de me aliquando tenuerunt in predicta villa de Kyrkehalum habend et tenend dictis canonicis et eorum successoribus in liberam puram et perpetuam elemosinam solutam et quietam de me et heredibus meis inperpetuum de omni servicio seculari et sectis curiarum exaccione et demanda ita quod nec ego Robertus nec heredes mei nec aliquis alius de cetero jus vel clamium predictis vel eorum pertinenciis exigere vendicare vel habere poterimus Et ego Robertus et heredes mei warantizabimus predictis canonicis omnia supradicta sicut predictum est contra omnes gentes adquietabimus et defendemus ut nostram elemosinam inperpetuum In hujus rei testimonium presenti scripto sigillum meum apposui Hiis testibus etc

Source Fulltext: Cartulary of Dale Abbey. Royal Commission on Historical Mansucripts Joint Publication, 11. Avrom Saltman. Derbyshire Archaeological Society Record Series, 2. Derbyshire Archaeological Society. H.M.S.O. London. 1967.