Omnibus[] Christi fidelibus ad quos presens carta pervenerit Thomas Juvenis de Derby salutem in domino Noverit universitas vestra me intuitu dei et pro salute anime mee et antecessorum et successorum meorum dedisse concessisse et hac presenti carta mea confirmasse deo et beate Marie et canonicis ordinis Premonstratensis de Parco de Stanlegh[] unum mesuagium in Derby cum edificiis et aliis pertinenciis suis scilicet terciam partem tofti quod fuit Alfred[] Gos quam quidem ego emi de Roberto Gos filio dicti Alfred[] habend et tenend dictis canonicis et eorum successoribus in perpetuam elemosinam libere quiete pacifice et integre cum omnibus pertinenciis suis ita quidem quod nec ego nec aliquis heredum meorum aliquod jus vel clamium in predicto mesuagio cum pertinenciis exigere poterimus Ut igitur ista donacio mea et concessio firma sit et stabilis inperpetuum presentem cartam meam quam propria manu mea scripsi sigillo meo confirmavi Hiis testibus Andrea filio Petri et Petro Col tunc prepositis Derb[] Johanne le Ferur Nicholao filio Aldredi Henrico fratre ejus Willelmo le Corner Hugone filio Radulphi Willelmo Juvene Nicholao Juvene Samuele filio Randulfi Hugone Colling Philippo filio Willelmi Willelmo filio Willelmi de Chaddesden[] et aliis Dat[] in curia Derb[] anno regni regis Henrici sexto decimo

Source Fulltext: Cartulary of Dale Abbey. Royal Commission on Historical Mansucripts Joint Publication, 11. Avrom Saltman. Derbyshire Archaeological Society Record Series, 2. Derbyshire Archaeological Society. H.M.S.O. London. 1967.