Universis Christi fidelibus as quos presens scriptum pervenerit Johannes Dei gratia Norwicensis episcopus salutem in domino Omnibus notum esse volumus nos ad honorem summe et individue Trinitatis concessisse et dedisse altari ecclesie sancte Trinitatis Norwic[] tres marcas argenti annuatim de domo nostra lapidia de Linna reddendas quam edificavimus supra ripam maris juxta capellam sancti Nicholai versus occidentem Petrus autem filius Gaufridi filii Durandi de Oxonford et heredes sui quibus hanc domum de nobis et successoribis nostris et de predicto altari hereditarie tenend concessimus predictum redditum annuatim persolvent scilicet unam marcam ad festum sancti Andree et unam marcam ad festum sancte Margarete ad inveniendum cereum qui ante idem altare ardeat diebus ac noctibus imperpetuum Preterea idem Petrus et heredes sui solvent de predicta domo nobis et successoribus nostris xii denarios annuatim ad terminos quibus redditus ville de Linna persolvi solet Idem etiam Petrus et heredes sui reservabunt nobis et successoribus nostris annuatim aditum cellariorum liberum que sunt in fronte illius domus versus orientem ad vina ibidem reponenda et alias emptiones quando opus fuerit Et ut hec nostra donatio firma permaneat eam presenti scripto et sigilli nostri appositione communimus Facta est hec donatio anno ab inncarnatione domini m c lxxx vij Per hanc etiam cartam huius nostre donationis oblationem fecimus super altare sancte Trinitatis eodem anno in die assumptionis beate Marie virginis Testibus Thoma archidiacono Wymaro decano Gaufrido cappellano magistro Reinerio magistro Jordano de Ros magistro Roberto de Waxton[] magistro Nicholao Thoma Britone magistro Ricardo de Stesh Lodowico decano Richero decano magistro Lamberto Roberto de Chipeham [] magistro Waltero de Calna

Source Fulltext: Charters of Norwich Cathedral Priory. Barbara Dodwell. Pipe Roll Society, V.78, New Series V.40. Pipe Roll Society. J. W. Ruddock. London. 1974.