Omnibus sancte matris ecclesie filiis Johannes Dei gratia Norwicensis episcopus salutem in domino Noverit universitas vestra nos divine pietatis intuitu concessisse et presenti carta confirmasse dilectis filiis nostris monachis Norwicensibus ecclesiam sancte Margarete de Len cum omnibus spiritualibus ad eam pertinentibus tam in decimis quam in oblationibus et aliis omnibus obventionibus spiritualibus cum capellis suis scilicet sancti Jacobi et sancti Nicholai in proprios usus imperpetuum possidendam et ecclesiam de Mitling[] cum omnibus ad eam pertinentibus et omnes decimas de domino nostro de Gaiwde preter illas que ad ecclesiam sancte Fidis de Gaiwde pertinent Ita ut faciant in predictis ecclesiis et capellis ministrari competenter per capellanos suos pro rationabili voluntate sua amovendos et admittendos et ita quod nulli nisi soli episcopo in curia sua propria si voluerit ad usus suos sicuti in allis maneriis suis habet liceat infra parochias predictarum ecclesiarum de Len et Mitling[] capellam aliquam preter autoritatem episcopalem et consensum prioris et monacorum construere et siqua constructa fuerit in proprios usus cedat monacorum in omnibus suprascriptis salvo nobis et successoribus nostris jure pontificali et parochiali imperpetuum Et ut hec nostra concessio et confirmatio firma et stabilis imperpetuum perseveret eam presenti scripto et sigilli nostri appositione corroboramus Hiis testibus magistro Willelmo de Len magistro Roberto de Gloucest[] magistro Roberto de Tiwa Alano de Grai Alano de Sancto Edmundo Data apud Norwicum per manum magistri Galfridi de Derham xvj kalendas Junii pontificatus nostri anno quinto

Source Fulltext: Charters of Norwich Cathedral Priory. Barbara Dodwell. Pipe Roll Society, V.78, New Series V.40. Pipe Roll Society. J. W. Ruddock. London. 1974.