Omnibus sancte matris ecclesie filiis Johannes Dei gratia Norwic[] episcopus salutem in domino Noverit universitas vestra nos divine pietatis intuitu dedisse concessisse et presenti carta confirmasse et assignasse Deo et ecclesie sancte Trinitatis Norwic[] ecclesiam sancti Jacobi de Norwico cum omnibus ad eam pertinentibus ad officium cantarie in proprios usus perpetuo possidendam salva pensione trium solidorum quam celararius Norwic[] per manum cantoris de eadem ecclesia percipiet annuatim et salvo nobis et successoribus nostris inperpetuum jure pontificali et parrochiali Hiis testibus magistro Willelmo de Lenn[] magistro Roberto de Glouc[] magistro Roberto de Tiwa Alano de Gray Alano de Sancto Edmundo Dat[] apud Norwicum per manum magistri G de Derham xi kalendas Aprilis pontificatus nostri anno quinto

Source Fulltext: Charters of Norwich Cathedral Priory. Barbara Dodwell. Pipe Roll Society, V.78, New Series V.40. Pipe Roll Society. J. W. Ruddock. London. 1974.