Universis has litteras visuris Thomas Dei gratia Norwic episcopus salutem in domino Licet ex officio nostro debito omnium ecclesiarum nostre diocesis curam gerere teneamur Specialiter tamen ad honorem et profectum Norwic[] ecclesie summo opere nos decet intendere que in agendis suis tanto nos debet invenire favorabiles quanto speciali privilegio dilectionis gratam illi tenemur prae aliis facere specialem que nobis prae aliis specialius est commissa Sane cum bone memorie J predicessor noster dilectis filiis nostris monachis de Norwico ecclesiam de Wihktun sine omni subtractione in proprios usus habend intuitu caritatis concessisset nichil sibi nec successoribus suis excepto jure episcopali retinendo et parrochiali P bone memorie antecessor noster contra predictam concessionem et confirmationem veniendo ibidem vicariam secundum facultates ipsius ecclesie superfluam taxari fecit in ipsorum monachorum prejudicium et gravemen Unde cum ad nos spectare dinoscatur minus juste distracta revocare atque indempnititati ecclesie nostre prejudere caritatis intuitu concessimus ac presenti carta nostra confirmavimus predictis monachis nostris de Norwico quod singuli vicarii per dictorum monachorum liberam presentationem ac nostram et successorum nostrorum institutionem in dicta ecclesia pro tempore preficiendi dictam vicariam secundum taxationem prehibitam habeant et possideant solvendo singulis annis celerario dicte domus cuius officio dicta ecclesia appropriatur centum solidos ad duos sinodos Norwic et in eisdem synodis sine omni subtractione vel diminutione Et hec omnia concessimus salvis dictis monachis presentatione predicta et nobis et successoribus nostris jure pontificali In cuius rei testimonium has litteras fieri fecimus et sigillo nostro muniri Data apud Norwicum in crastino cinerum pontificatus nostri anno septimo

Source Fulltext: Charters of Norwich Cathedral Priory. Barbara Dodwell. Pipe Roll Society, V.78, New Series V.40. Pipe Roll Society. J. W. Ruddock. London. 1974.