Omnibus Christi fidelibus ad quos presens scriptum pervenerit Thomas Dei gratia Norwic[] episcopus salutem in domino Cum quanta possumus vigilantie studio virorum religiosorum profectibus intendere constringimur et eorum desideria que a ratione non discrepant quantum secundum Deum possumus et justiciam effectu prosequente exaudire et adimplere Eapropter ad universorum volumus noticiam pervenire nos dilectis filiis in Christo priori et monachis Norwic[] qui in religione fervidi et operibus caritatis dinoscuntur esse devoti ecclesiam de Wrthested[] cum omnibus pertinentiis suis post decessum domini Johannis de Wrthested[] et Ade de Wrthsted qui nunc prefatam optinent ecclesiam inperpetuum in proprios usus possidendam concessisse salva honesta sustentatione vicarii perpetui qui in prefata ecclesia pro tempore ministrabit salvis in omnibus reverentia et obedientia nobis et successoribus nostris et sacrosancte Norwic[] ecclesie consuetudinibus debitis vel consuetis In cuius rei testimonium presentes litteras fieri fecimus et sigillo nostro muniri Data apud Norwicum undecimo kalendas Aprilis pontificatus nostri anno primo

Source Fulltext: Charters of Norwich Cathedral Priory. Barbara Dodwell. Pipe Roll Society, V.78, New Series V.40. Pipe Roll Society. J. W. Ruddock. London. 1974.