Omnibus Christi fidelibus ad quos presens scriptum pervenerit Willelmus de Ralegh[] Dei gratia episcopus Norwicensis salutem in domino Pontificalis gratie januam quam sepius aperimus remotis pariter et ignotis dilectis et devotis in Christo filiis priori et conventui Norwicensibus quos pro sue sancte conversationis merito et specialis devotionis sinceritate habemus inter ceteros cariores claudere non debemus Ad universorum igitur noticiam volumus pervenire nos divine zela caritatis et honeste reverentia religionis dedisse concessisse et presenti carta nostra confirmasse predictis priori et conventui ecclesiam de Bauburg[] in qua jus optinent patronatus in proprios usus suos post decessum vel cessionem magistri Willelmi le Poynnur rectoris eiusdem in perpetuum possidendam salva nobis vel successoribus nostris congrua ipsius ecclesie vicarie taxatione et ipsis priori et conventu libera semper in posterum vicarii presentatione salvis etiam in omnibus episcopalibus consuetudinibus et Norwicensis ecclesie dignitate Quod ut perpetuam optineat firmitatem presenti scripto sigillum nostrum duximus apponendum Hiis testibus magistris Rogero le Butiller archidiacono Subyr[] Willelmo de Clara tunc officiali nostro et Waltero de Exon[] Johanne de Chelebauton[] Johanne de Leominstr[] Ricardo de Freton[] Thoma de Breccles et Willelmo de Dunekeswell[] clericis et aliis Dat[] per manum Philippi de Sydeham capellani nostri apud Novum Locum vi idus Januarii pontificatus nostri anno secundo

Source Fulltext: Charters of Norwich Cathedral Priory. Barbara Dodwell. Pipe Roll Society, V.78, New Series V.40. Pipe Roll Society. J. W. Ruddock. London. 1974.