Sciant omnes Christi fideles presentes et futuri quod ista convenit inter Willelmum Norwic[] episcopum ex una parte et Simonem priorem Norwic[] ecclesie et eiusdem ecclesie conventum ex altera parte de toto bosco cooperto quercibus et de toto husseto et de tota brueria quem boscum quod hussetum et quam brueriam predecessores predicti episcopi et predictus conventus prius tenuerant in communi juxta Thorp[] videlicet quod predictus boscus coopertus quercibus dividatur in duas partes equales numero acrarum ita quod illa medietas propinquior manerio de Thorp[] remanebit predicto episcopo et successoribus suis quieta inperpetuum sine aliqua communa quam predicti prior et conventus in ea habere possint Et alia medietas propinquior ponti episcopi remanebit ipso priori et conventui quieta inperpetuum sine aliqua communa quam predictus episcopus et successores sui in ea habere possint salva eidem episcopo terra sua juxta pontem quam habet extra coopertum versus austrum Predictum vero hussetum et predicta brueria dividantur in tres partes numero acrarum equales sicut prius quarum due partes propinquiores manerio de Thorp[] remanebit predicto episcopo et successoribus suis quiete inperpetuum sine aliqua communa quam predictus prior et conventus in eis habere possint nisi forte predictus episcopus post partitionem factam gratiam aliquam eis inde facere voluerit Et tercia pars husseti et bruerie remotioni remanebit predicto priori et conventui quiete in perpetuum sine aliqua communa quam predictus episcopus vel successores sui in ea habere possint Per hanc autem concordiam remisit idem episcopus eidem priori et conventui jus et totum clamium quod habuit in medietate bosci de Plumstede unde contentio inter eos et preterea concessit eis quod in parte predictorum bosci husseti et bruerie que eis remanebit habeant ipsi warennam suam sicut ipse episcopus et predecessores sui prius habuerunt si voluerint sin autem remaneat sine warenna Et quod ad eandem partem claudendam vel excolendam si voluerit innabit eos contra omnes homines qui per occupationem communam in ea habere consueverunt secundum quod per legem terre innare poterit Et ne quis eorum contra hoc vertere possit in posterum factum est hoc scriptum inter eos in modum cirographi ita quod parti predicti episcopi apposita sunt sigilla predictorum prioris et conventus et parti predictorum prioris et conventus appositum sigillum predicti episcopi Hiis testibus Petro de Ralegh[] et cetera Data apud Geywode octavo kalendas Novembris pontificatus predicti episcopi anno primo anno domini millesimo cc xxxix

Source Fulltext: Charters of Norwich Cathedral Priory. Barbara Dodwell. Pipe Roll Society, V.78, New Series V.40. Pipe Roll Society. J. W. Ruddock. London. 1974.