Universis Christi fidelibus presentes litteras visuris vel audituris Rogerus permissione divina humilis minister ecclesie Norwycensis salutem in domino sempiternam Noverit universitas vestra nos audisse et inspexisse quedam instrumenta seu munimenta quibus continebatur bone memorie Johannem et Thomam predecessores nostros quondam episcopos Norwycenses ecclesiam parochialem de Hyldelveston[] nostre dyocese dominis priori et conventai nostre ecclesie sancte Trinitatis Norwyc[] in usus proprios concessisse perpetuo possidendam Nos vero hanc predictam concessionem ratam habentes eam quantum in nobis est tenore presentium confirmamus salvo nobis et successoribus nostris admittendi ad eorum presentationem vicarium perpetuum in eadem ad cuius vicariam nuper Henricum de Martham presbiterum ad eorum presentationem admisimus jure et potestate et in omnibus salvo jure et auctoritate nostra pontificali et successorum nostrorum In cuius rei testimonium precepimus hiis litteris sigillum nostrum apponi Dat[] apud Suthelmham quinto kalendas Novembris anno domini millesimo cc lxx septimo et pontificatus nostri anno duodecimo

Source Fulltext: Charters of Norwich Cathedral Priory. Barbara Dodwell. Pipe Roll Society, V.78, New Series V.40. Pipe Roll Society. J. W. Ruddock. London. 1974.